Китепкананын каталогу - китепкананын же маалымат борборунун курамын жана мазмунун ачып берүүчү документтер үчүн белгилүү бир эрежелерге ылайык иреттелген библиографиялык жазуулардын жыйындысы.
Китепкананын каталогу карт же машинада окулуучу формада (электрондук каталог), микро алып жүрүүчүлөрдө, ошондой эле китеп басылышы түрүндө иштейт.
Каталогдор - китеп, журнал жана башка басма материалдар жөнүндө маалыматтарды камтыган карточкалардан турат. Рационалдуу уюшулган системада каталогдордун ар бири белгилүү бир аспектиде фондду ачып берет. Каталогдор бири-бирин кайталабайт, бирок бири-бирин толуктап турат. Бардык каталогдор бир бүтүндү түзөт. Каталогдорду түзүүнүн алдында булактын библиографиялык сүрөттөлүшү жүргүзүлөт.
Электрондук каталог – китепкананын ишмердүүлүгүн заказ кылуу, каталогдоштуруу, издөө, отчеттуулуктун ар кандай маселелерин чечүү жана окурмандарды китеп менен камсыздоочу web - интерфейс.
Электрондук каталог – бир сөз менен айтканда китепканадан керектүү адабияттарды табуу үчүн заманбап санариптик ыкмалар.
