Биздин китепканага келиңиздер
Китепканабыз ыңгайлуу заманбап шарты менен сиздер үчүн эшик ачат.
1939-жылы университет менен бир убакта ачылган ОшМУнун илимий китепканасы тарыхта ОшМУнун миссиясына жардам көрсөтүү жана университеттин жамаатынын маалыматка болгон муктаждыктарын канааттандыруудан көрөт. ОшМУнун илимий китепканасы өз миссиясын илимий кызматкерлерге, окутуучуларга, университеттин студенттерине жана өнөктөштөргө инновациялык технологиялар жана кызматтарды көрсөтүү аркылуу ОшМУнун билим жана илим сапатын жогорулатууга көмөктөшүүдөн көрөт.
Университеттин факультеттери жана илимий бөлүмдөрү менен өз ара байланышты кеңейтүү, китепканалык жана маалыматтык ресурстарды түзүү. Китепкананын ресурстук борбор катары өнүгүшүн камсыз кылуу, илимий кызматкерлердин, мугалимдердин жана студенттердин керектүү маалыматтарды алуусун камсыз кылуу.
Ар бир этапта илимий-педагогикалык ишмердүүлүктү колдогон заманбап маалыматтык натыйжалуулугун жана кызматтарды түзүү жана сунуштоо; бардык NL ресурстарынын, анын ичинде
ОшМУнун басылмаларынын дүйнөлүк маалымат мейкиндигинде болушун камсыз кылуу. Студенттердин, аспиранттардын, окутуучулардын маалыматтык маданиятын өнүктүрүүгө көмөк көрсөтүү жана илимий-изилдөө компетенцияларын жогорулатуу.
- Инновацияларга жол ачуу;
- Китепкана кызматтарында жана технологиясында лидерликти камсыз кылуу;
-Кыргызстандагы жогорку окуу жайларынын китепканаларынын кесиптик коомчулугуна алдыңкы тажрыйбаларды берүү;
- ОшМУнун Улуттук китепканасынын уникалдуу китеп фондунун келечек муундар үчүн сакталышын жана дүйнөлүк маалымат мейкиндигинде болушун камсыз кылуу.
Илимий китепкананын китеп фондусунун түптөлүшү Ош мугалимдер институтунун түзулүшү менен кошо 1939-жылга туура келет. Алгач уюшулган мезгилде институттун китепканалык фондунда 8 миң нускадагы китептер болгон. Улуу Ата Мекендик согуш мезгилинде, 1942-жылы ош шаарына эвакуацияланып келген Ростов университети жана Ростов педагогикалык институтунун китеп фондусу, ош мугалимдер институтунун кетеп фондусуна кошулган.Кийин ошол уникалдуу фонд келечек муундарга педагогикалык билим берүүдө чоң таасирин тийгизгендигин, биздин ардагер окумуштуулар сыймыктануу менен эскеришет. Илимий китепкананын түптөлүп, өнүгүшүнө өз мезгилинде чоң салым кошкон жетекчилери катары : А.И. Федова, Ф.Х. Дауранова, К.Турсунова, А.В. Ильяева, М.Ю. Клебанов жана С.С. Токтомамбетовалардын эмгектерин белгилеп кетмекчибиз. Айрыкча китепкананын жетекчиси болуп 30 жылдай иштеген (1967-1996) Мария Юрьевнанын эмгеги баа жеткис. Анын мезгилинде китепканалык фонд инвентардык журналга каттала баштаган. Алфавиттик жана сиситематикалык, тематикалык каталогдор түзүлгөн.
1996-2005-жылдары А.Г. Ибрагимова илимий китепкананын директору болуп иштеген. Бул жылдардын ичинде китепкана фондусу окуу китептери, илимий-методикалык колдонмолор, диссертациялар, сөздүктөр жана башка китептер менен толукталып, алардын жалпы саны 730 миңден ашты. Китепкана фондусу 812661 китепке жетти. 2005-2009-жылдары С.С.Токтомамбетова илимий китепкананын директору болуп иштеген. 2009-жылдан 2011-жылга чейин университеттин илимий китепканасы жаңы технологиялар жана инвестициялар департаментинин карамагына өтүп, төрт борбордук китепкана, үч бөлүм иш алып барган. Департаменттин алгачкы директору болуп биология илиминин кондидаты,доцент Т.К. Эркебаев, андан кийин департаменттин директору болуп педагогика илиминин кандидаты, доцент, шаардык кеңештин депутаты Т.А. Жоробеков эмгектенген. Бул учурда илимий китепкананын китеп фонду 880 000 нусканы түзгөн. 2011-2021-жылдары илимий китепкананын директору болуп Мамбетова Сайраш Сатындиевна дайындалган. Китепкана ишине "ИРБИС – 64+"программасын киргизүү боюнча Сайраш Сатындиевна чоң салым кошкон. Ал республиканын түштүгү боюнча биринчилерден болуп "ИРБИС – 64+" программасы сатылып алынган, жана ал бүгүнкү күнгө чейин китепкана ишин бардык системасын электроштуруу боюнча китепкана ишин илгерилетүүдө жана жакшыртууда жакшы натыйжаларды берүүдө. Ошондой эле Түштүк өрөөнүндө «ИРБИС-64+» системасын биргелешип сатып алган Баткен мамлекеттик университети, Жалал-Абад Гуманитардык мамлекеттик университети, Кыргыз-Өзбек мамлекеттик университетинин китепкана кызматкерлерине жакындан практикалык жардамдар көрсөтүлүп келген. 2021-жылы Козубай кызы Гулшайыр, 2021-жылдын сентябрь айынан Эсекеева Азимгүл Асылбековна илимий китепкананын директору кызматын аткарып келишти.
2023-жылдын сентябрь айынан баштап ОшМУнун илимий китепканасынын директору Орозбаев Азамат Мамасадыкович болуп дайындалып, анын демилгеси менен билим берүүдө илимий изилдөөдө маалыматтык камсыздоонун заманбап шартын түзүүдө, миссионердик багыт менен китепкананын фондунда колдонуучуларга ыкчам жеткиликтүүлүгүн камсыз кылуу максатында, китепкана мейкиндигинде STUDCLUB студенттердин профессионалдык жеке өнүгүү борбору, Talking club, Scops илимий-изилдөө борбору, электрондук ресурстар бөлүмү менен китепкананын заманбап жасалгасы, окурмандарга түзүлгөн шарттар, мүмкүнчүлүктөрү түзүлдү. Китепкана кызматкерлери биздин борбордук китепканага үзгүлтүксүз келүүдө, мындан ары жаңы окурмандарды тартат деп ишенебиз!!!
